Patay ang isa ka anay drug surrenderee sa ciudad sang Sagay matapos ginluthang sang mga wala pa makilal-an nmga mga suspetsado kahapon sang aga.
Sa interview sang Bombo Radyo kay Police Executive Master Sergeant Elmer Baloco, chief investigator sang Sagay City Police Station, patay ang anay drug surrenderee nga si Erwin Yu, 31 anyos, residente sang Brgy. Old Sagay, Sagay City apang nakaagi man puyo sa banwa sang Toboso.
Suno kay Baloco, una na nga nainvolved si Yu sa shooting incident nga nagluntad sa Toboso sang Nobyembre 16 apang wala ini maayo maiguan.
Kahapon sang aga, samtang nagapadulong ini sa barangay hall para sa patigayunon nga hearing samtang nagamaneho sang trisikad sakay ang iya iloy, hinali lang ini nga ginpalapitan sang duha ka mga persona kag ginluthang sang makapila ka beses.
Nakaangkon ini sang igo sa nawala nga bahin sang iya lawas.
Suno kay Baloco, ginhingagaw pa si Yu dala sa balaybululngan apang gindeklarar nga dead on arrrival.
Narecover sang crime scene ang pito tanan ka mga empty shells sang calibre .45.
Sa karun, suno sa chief investigator, nagapadayon pa ang ila hot pursuit kag follow up operations.
