Nagpaandam ang anay miyembro sang House of the Representatives, nga dapat maghalong kun may yara sang ginapirmahan, kasunod sang ginflag sang pila ka mga miyembro sang Kamara ang isa ka kampanya para sa charter change, kun sa diin ginhambalan ang mga alkalde nga maghatag sang P100 sa tagsa ka mga constituent nga magaperma sa isa ka petisyon agud i-amend ang isa ka constitutional provision nga nagadirekta sa chambers sang Kongreso nga separado nga magboto kun nagamodify sang Konstitusyon.
Sa interview sang Bombo Radyo kay Atty Carlos Isagani Zarate, madamo sang pamaagi nga mahimo para makuha ang boto sang pumuluyo, kaangay na lamang sang paghatag sang ayuda kag amo nga hambalon nga antes magbaton sang ayuda dapat anay nga magpirma.
Suno kay Zarate madamo pa sang mga pamaagi nga makapang-into agud makuha perma sang pumuluyo, amo nga nagpaandam ini nga maghalong gid kun may yara sang pirmahan bangod ang pagpirma para sa Charter Change sang Pilipinas ang may dako nga epekto.
Pahayag ni Zarate, dapat man nga usisaon kag tun-an sang madalom ang charter change antes ini ipatuman.
