Patay ang anay konsehal sang Mabinay matapos nga ginlabo sang iya trabahante sa Barangay Paniabon, banwa sang Mabinay, probinsya sang Negros Oriental, kahapon, alas-8:50 sang aga.
Ang biktima ang ginkilala nga si Former SB member Angelito Rosalem, residente sang Sitio Malasbas, Brgy Lumbangan, banwa sang Mabinay, samtang ang suspetsado naman ang ginkilala nga si Angelito Brigola, 43 anyos, residente sang Sitio Langaw, Brgy Paniabonan, sa nasambit nga banwa.
Nagabyahe ang biktima sakay sa motorsiklo sang nasugat-an sini ang suspetsado.
Nag-untat ang biktima kag sa wala nahibaluan nga rason, ginlabo ini sang suspetsado nga gintunaan sang iya kamatayon.
Sa interview sang Bombo Radyo kay Police Lt Stephen Polinar, Public Information Officer sang Negros Oriental Provincial Police Office, duha ang ginalantaw nga anggulo sa rason kun ngaa ginlabo sang suspect ang Former SB member.
Una diri, amo ang personal grudge bangod nga trabahante sang biktima ang suspek.
Kasunod diri amo nga gina-claim sang pamilya nga may deperensya sa paminsaron ang biktima, apang suno kay Polinar, wala pa man sang may nakita nga past medical records nga makapamatuod nga may mental illness ang suspek.
