May mga tawo gid sa mga ulubrahan ang gusto mapromote apang sa diin kag ano ang imo ubrahon para mapromote?
Sa Brazil, isa ka textile worker ang gin-akusaran nga naghilo sa ilimnan sang tubig sang kaupod niya sa trabaho matapos sila nag-away may kaangtanan sa gina-alegar sini nga indi patas nga promotion.
Base sa report sang police, nakita mismo sa CCTV cameras ang 38 anyos nga suspek nga nagtabon sa ilimnan sang iya upod sa trabaho.
Sang gin-inom sang biktima, nag-init ang iya nga tutunlan.
Sang ginpaidalom sa test ang ilimnon, natukiban ang mataas nga concentration sang potent solvent sa tubig nga nagakahulugan nga luyag sini nga hilu-an sang suspek ang biktima.
Nagtestigo ang mga witnesses nga ang duha ang mag-abyan man sang una apang naglas-ay ang pagtamdanay sang nakabaton sang promotion ang biktima nga wala na-uyunan sang suspek.
