May yara nalang sang duha ka adlaw si former Ako-Bicol Partylist representative Zaldy Co kag 17 ka iban pa nga akusado angot sa maanomaliya nga flood control projects agud magsungka sa mga otoridad.
Sa isa ka interview, ginpahayag ni Department of the Interior and Local Government (DILG) Secretary Jonvic Remulla nga nagahulat nalang sila sang kopya sang warrant of arrest batok sa mga natumod nga indibidwal agud makapapanaog ini sang memorandum nga nagapanawagan sa pagsungka sang mga ini tubtob sa Lunes, Nobyembre 24, 2025.
Suno kay Remulla nga ipatuman nila ang warrant of arrest batok kay Co kag iban pa nga mga akusado paagi sa pagpakig-angot sa Philippine National Police (PNP) kag National Bureau of Investigation (NBI).
Una na nga nagpasalig ang PNP nga ipatuman nila ang warrant of arrests kag magaagi sa due process.
Samtang ginhingyo naman sang NBI si Co nga gilayon na nga magsungka agud indi na magpangatubang sang mas mabug-at nga konsekwensya.
