Gin-appoint ni presumptive President Ferdinand “Bongbong” Marcos Jr. si anay Metropolitan Manila Development Authority (MMDA) chairman Benhur Abalos bilang Secretary sang Department of Interior and Local Government (DILG).
Suno sa tagpamaba ni Marcos nga si Vic Rodriguez, ginbaton ni Abalos ang pagpanghangkat nga magpamuno sang ahensya.
Si Abalos ang mangin kabahin man sang transition team ni Marcos, kun sa diin si Rodriguez ang magapamuno.
Sang Pebrero, nagpanaog si Abalos sa iya MMDA post agud magserbe nga national campaign manager ni Marcos.
Siya ang ikaduha nga Cabinet nominee nga ginkumpirmar ni Marcos matapos kay vice presidential frontrunner Sara Duterte, nga magapamuno naman sang Department of Education.
Samtang, ginpanginwala naman ni Rodriguez ang litrato nga nagalapta sa social media nga nagapakita sang listahan sang mga opisyal nga mangin kabahin sang Gabinete ni Marcos.
Suno diri, wala sang listahan kag nagapangita pa si Marcos sang posible nga nominees para sa mga ahensya sang gobyerno.
