Gin-aresto sang National Bureau of Investigation ang anay pinuno sang Provincial General Services Office sang Negros Occidental matapos nga ginreklamo sang estafa.
Sang Lunes, isa ka entrapment operation ang ginpatigayon sang National Bureau of Investigation-Bacolod kun sa diin subject si Lucille Pines matapos makabaton sang reklamo nagikan sa indibidwal kag mga negosyante.
Suno kay NBI-Bacolod Head Atty. Renoir Baldovino, indi man pyramyding ang ginahimo ni Pines kundi estafa bangud nagapang-into ini.
Suno kay Baldovino, ginpahayag ni Pines nga may yara sang purchase order nagikan sa Department of Education-San Carlos City kag nagapangayo ini sang magainvest sa purchase order agud nga gamiton nga pondo sang nasambit nga eskwelahan agud nga ibakal sang mga supplies.
Suno kay Baldovino, may yara na siya sang nabiktima nga naghatag na sa iya sadto sang kwarta.
Suno sa NBI-Bacolod head, wala man sang dokyumento nga maipakita si Pines kag santo sa ginpatigayon nga verification sang ila opisina, ginpahayag sang DepEd-San Carlos City nga wala sila sang transaction sa natungdan nga nagarepresentar sang Homemakers Enterprising Association of Negros Occidental.
Suno kay Baldovino, ini ang nagapakita lamang nga may yara sang misrepresentation gani nahulog sa estafa ang kaso kag indi pyramiding.
Suno kay Baldovino, bangud sini nagpasaka sila sang kaso nga estafa paagi sa inquest apang ginrelease sang fiscal si Pines bangud sang Inquest Resolution with order of release kag ang kaso sini ang ipaidalom sa preliminary investigation kun sa diin magafile sang affidavit si Pines.
