Nag-atubang si anay President Rodrigo Duterte sa una nga tion sa ikatlo nga status conference angut sa kaso nga crimes against humanity nga ginpasaka batok sa iya sa International Criminal Court (ICC) sa The Hague, Netherlands.
Ini ang una nga pagpakita sa publiko sang 81-anyos nga anay presidente sa sulod sang masobra isa ka tuig; ulihi siya nga nakita paagi sa video link sang Marso 2025 pagkatapos sang iya pagkadakop.
Ang anay presidente ang nag-atubang sa korte pagkatapos nga gin-athag ni Presiding Judge Joanna Korner sang ICC Trial Chamber III nga ginapaabot sang korte ang iya personal nga presensya, kasunod sang pagsumiter sang mga report sang medical expert sang iya nga evaluation report.
Nakatutok ang hearing sa pagtapos sang mga timetable para sa pagpresentar sang mga testigo, pagbayluhanay sang ebidensya sa tunga sang duha ka partido, kag katapusan nga mga paghanda antes ang pormal nga pagsugod sang trial, nga natalana sa Nobyembre 30, 2026.
Sa karon, nagapangatubang si Duterte sang mga charges may kaangtanan sa ginaalegar malapnagon nga pagpamatay nga ginpatigayon sa idalom sang iya kampanya batok sa iligal nga droga sang ini ang nagpungko bilang Alkalde sang Davao City tubtub nga siya ang nangin presidente.
Sugod sang iya pagkadakop sang nagligad nga tuig santo sa warrant sang korte, ang anay pangulo ang nagapabilin sa kustodiya sang ICC.
