Pormal na nga nagfile sang kandidatura subong nga Sabado, Oktubre 5 si anay Presidente Gloria-Macapagal Arroyo agud liwat nga magapapili bilang kongresista sa ikaduha nga distrito sang Pampanga para sa 2025 midterm elections.
Ini na ang ikatlo nga termino bilang kongresista sa tion nga magdaog si Arroyo.
Magapadalagan si Arroyo sa idalom sang Lakas-CMD santo sa iya nga Certificate of Candidacy nga ginfile sa Comelec center sa Benigno Aquino Hall sa provincial capitol grounds.
Gin-updan siya ni Pampanga Governor Dennis Pineda kag nagpadulong man ang local leaders nagikan sa second district agud magpabutyag sang ila nga suporta.
Ginpahayag naman sang 77 anyos nga anay presidente nga ang iya mangin top priority para sa iya ulihi nga termino sa tion nga magdaog nga padayunon sini ang pagsuporta sa administrasyon ni Marcos kasubong man ang pagsabat sa mga kinahanglanon sa probinsya kag distrito.
