Pabor ang former president sang Central Negros Electric Cooperative (Ceneco) sa Joint Venture Agreement sa tunga sang Central Negros Electric Cooperative, Inc. kag More Power nga suno diri na-eksperyensyahan kag nakita niya mismo ang problema sa CENECO.
Kaina sang aga nagpatigayon sang press conference ang Power Watch Negros agud magpanawagan sang malinong kag orderly nga plebisito.
Sa interview sang Bombo Radyo kay Roy Cordova, bilang anay presidente sang CENECO, iya mismo na-eksperyensyahan kag nakita ang problema sa sistema sang CENECO.
Suno diri, dapat na gid man nga bag-uhon ang sistema sang CENECO agud ma-address ang mga problema kag mahatagan sang maayo nga equipments kag upgraded nga system para mahatag sa mga konsumedor ang maaayo nga serbisyo.
Pabor si Cordova sa JVA apang luyag man sini nga mahatag sa mga konsumedor ang ila kinamatarong sa pagboto sa plebisito sa Hunyo 24 kag 25 kag Hulyo 1 kag 2.
