Patay ang anay priso matapos nga gintiro sang duha ka mga wala makilal-an nga suspetsado sa Purok San Juan Tunga, Barangay 5, San Carlos City, Negros Occidental.
Ginkilala ang biktima kay Alan Cañete, 39 anyos, male, single, unemployed, kag residente sang nasambit nga lugar.
Sa interview sang Bombo Radyo Bacolod kay Police Captain Rodney Sarona, Deputy Chief of Police sang San Carlos City Police Station, may nabaton sila nga impormasyon nga may yara sang nagluntad nga shooting incident sa nasambit nga lugar.
Suno kay Sarona, sang nabaton ang report gilayon man nga nagresponde sa insidente.
Ang biktima ang nagahulat sa tiyangge sang nag-abot ang duha ka mga suspetado kag hinali lang ini nga gintiro.
Nakaagom ini sang tatlo ka mga pilas sa dughan.
Padayon pa sa karun ang ila nga backtracking sa mga CCTV kag may nakita nga duha ka tawo nga nakatabon nga posible suspek.
Wala man nakuhaan ang pagtiro diri bangud blind spot ang ginlutaran sang insidente.
Ang biktima ang may record sa Barangay kag anay man nadakpan sa ginpatigayon nga operasyon sang Philippine Drug Enforcement Agency (PDEA) sa drug den apang suno sa iloy mabuot ini.
