Ginpakamalaot ni anay Senador Antonio “Sonny” Trillanes IV ang ginhimo kag ginhambal ni Vice President Sara Duterte samtang nagapiyansa ini sa Quezon City Regional Trial Court.
Sa iya pahayag, ginkwestyon ni Trillanes ang ikasarang kag kwalipikasyon ni Duterte sa pagpanguna sa pungsod, bilang Bise Presidente ukon bilang pinakamataas nga lider sang Republika.
Suno kay Trillanes, indi nagakaigo ang pamatasan sang Bise Presidente sa atubang sang korte, ilabi na kay nagapaidalom ini sa mga legal nga kaso may kaangtanan sa mga criminal complaints.
Bangod sini, ginpaandaman ni Trillanes ang publiko nga maghalong kag usisaon sang maayo ang mga lider nga ila ginapili para sa pungsod.
Ini nga pahayag kasunod sang pag-post ni Duterte sang piyansa para sa tatlo ka kaso sang grave threats, matapos nga nagpagwa ang korte sang arrest warrant batok sa iya.
