Anay South Korean first lady Kim Keon-hee, ginpamatbatan sang 20 ka bulan nga pagkapriso

Ginpamatbatan sang South Korean court sang 20 ka bulan nga pagkapriso ang ila anay first lady nga si Kim Keon-hee bangud sa pagbaton sang malahalon nga bag kag diamond pendant gikan sa mga opisyal sang Unification Church kabaylo sang paghatag sang political favors.

Ginpamulta si Kim sang korte sang Korean Won 12.8 million ukon nagadangat sa $8,990.

Ginmandu man ang pagkumpiskar sa natumod nga kulintas.

Priso si Kim halin pa sang Agosto samtang ginaimbestigaran.

Ginpahayag naman sang Unification Church nga wala sila maglaum sang bisan ano nga kabaylo sang ila mga regalo.

Ginpanginwala man sang ila pinuno nga ginhana niya nga suhulan si Kim.