Gin-athag sang anay tagpamaba kag karun gindesignate nga officer-in-charge sa Land Transportation Franchising and Regulatory Board Region 6 (LTFRB 6) nga wala ini sang ihibalo sa rasun kun ngaa hinali nga ginsaylo sa LTFRB Central Office si anay Regional Director Richard Osmeña.
Sa interview sang Bombo Radyo Bacolod kay Atty Salvador Altura, nakibot lamang ini sang siya ang ginpatawag kag gin-designar nga officer-in-charge epektibo Marso 11, 2024.
Paathag sini nga wala man gindemote si Osmeña kag napabilin lang ini sa iya ranggo, apang ginsaylo lamang sa LTFRB Central Office, gani para sa iya imbes ang mas nagakadapat nga termino ang “gin-reassign” kag indi nga “ginrelieve”.
Pasalig lamang sini nga himuon lamang niya ang iya trabaho.
Wala man sang ideya si Altura kun magabalik pa si Osmeña sa talatapan kag kun may-ara na sang napili nga magabulos diri.
