Nagdesisyon si anay US President Jimmy Carter nga magpaidalum sa hospice care kag gamiton ang iya nabilin nga tiyempo kaupod ang iya pamilya sa ila puluy-an sang sa magpaidalum sa dugang nga medical interventon.
Si Carter, 98-anyos, ang ginakabig nga pinakamadugay nga Presidente sang Estados Unidos nga nagkabuhi pagkatapos nagbiya sa White House.
Siya ang isa ka Democrat nga nagserbi humalin Enero 1977 tubtob Enero 1981.
Nakabaton naman ini sang full support nagikan sa iya pamilya kag medical team.
Nagapangayo ang pamilya Carter sang privacy kag nagapasalamat sa concern nga ginpakita sang iya madamo nga mga admirers.
Sang nagliligad nga mga tinuig, ang tumandok sang Georgia ang nagsuprr sang pila ka mga health issues lakip na ang melanoma kag nagalapta sa iya atay kag utok apang wal anaman sang may nagakakit-an nga development.
Siya ang ginpasidunggan sang Nobel Peace Prize sang 2002 bilang pagkilala sa iya effort nga makapangita sang peaceful solutions sa international conflicts agud mapasanyog ang demokrasya kag tawhanon nga kinamatarong kag agud mapromote ang economic kag social development.
