Masobra sa P1.3 million ang halit sang sunog nga nagluntad sa Purok Sampaguita 3, Raymund Street, Brgy. Singcang Airport, Bacolod City, alas-9:33 sang kagab-i, Enero 7, 2025.
Sa report sang Bacolod City Fire Station, ang balay ang ginapanag-iyahan ni Ma. Cecelia Javelona.
Totally damaged ang puluy-an kun sa diin ang nagdangat sa P1,350,000 ang kahalitan nga ginbilin sang sunog.
Suno kay John Javelona, ang balay ang ginakabig na nila nga ancestral house.
Suno diri ang mga gamit nga ginatago sa balay ang mga antigo na.
Wala naman sang nagapuyo sa nasambit nga puluy-an.
Samtang wala naman sang nasamaran sa nagluntad nga sunog.
Padayon pa sa karun ang imbestigasyon sang mga fire investigators agud matumod ang ginhalinan sang kalayo nga nagtuga sang sunog.
