Ginkakibot sang mga netizens ang pag-unfollow ni Andi Eigenmann kag sang partner sini nga si Philmar Alipayo sa isa kag isa kag ginsundan sang mga post sang duha nga nagapagwa nga may problema sa ila relasyon.
Una na nga ginbuyagyag ni Eigenmann sa social media ang mga post sini kaangay na lamang nga nakita sini ang mga red flags apang iya lang ginpabay-an kag suno pa diri iya lang nahibaluan nga subong nga tuig amo ang year of the snake.
Isa sa nakakuha sang atensyon sang netizens amo ang conversation sini sa AI chatbot nga nagapamangkot kun suspicious bala kun ang abyan ang maga-invite sa imo life partner nga magkuha sang love couples tattoo kag wala nagpahibalo ukon nagkonsulta sa imo.
Ini man dayon nakita sang mga fans si Alipayo kag ang foreign friend sini nga si Pernilla Sjoo ang may tattoo nga may disenyo nga “224”.
Suno kay Eigenmann, sadto nag-away sila ni Alipayo kag amo man nga to the rescue si Pernilla sa pag-invite sa iya nga magpatattoo.
Dugang pa sini, una na nga mag-abyan ang duha antes pa man sini nakilala si Alipayo apang sadto nahuya lang ini nga isturya sa iya partner.
Apang, ginkalro man sini nga wala nagcheat si Alipayo bangod yara man siya perme kun mag-upod ang iya bana kay Pernilla.
Apang, aminado si Eigenmann nga masakit para sa iya nga wala nagdumdum ang iya bana nga masakitan siya sa ila ginhimo.
Nadumduman man sini sadto nga naghambal ang iban sini nga abyan nga ila ginapapalayo ang ila bana kay Pernilla.
Una na sini nakita nga weird nga may dako nga tattoo si Pernilla nga nakadedicate kay Alipayo.
Samtang, nagsabat man si Alipayo paagi sa pagpost nga kun ano man ang nabasa sang mga tawo, amo na ang matuod.
Sang nakaligad lang nga bulan sang Enero, nagpahayag si Eigenmann nga nahulog ang iya balatyagon kay Alipayo bangod simple lang ang ila pagpangabuhi kag mahimo sini mapakita kun sin-o ang matuod nga Andi.
Tuig 2024, nangin kontobersiya man sang naglapta ang video ni Alipayo nga may kaupod nga iban nga babayi apang ginpa-athag ni Eigenmann nga mahimo sang partner sini nga makachat bisan kay sin-o man nga iya nga luyag.
