Natalana nga magapadulong sa Pilipinas bilang isa sa mga speakers sang 2026 ASEAN Inclusive Growth Summit nga patigayunon sa November 11 si International Actress Angelina Jolie.
Isa ang Academy Award-winning Hollywood actress and humanitarian sa mga featured speakers sa summit kun sa diin pagatambungan sang mga lideres nagika sa nagkalain-lain nga sector agud diskusyunan ang Southeast Asia’s economic growth and development.
Nakilala man ang aktres sa iya nga humanitarian work ilabi na sa iya nga adbokasiya para sa mga refugees, displaced populations, kag proteksyon sa mga kababainhan kag mga kabataan.
Nagserbe man ang aktres bilang Goodwill Ambassador for the United Nations High Commissioner for Refugees (UNHCR) humalin sang 2001 tubtob 2012 antes siya nangin Special Envoy nga nagdugay tubtob 2022.
Iban nga mga speakers ang ginalakipan nanday Lea Salonga, Kylie Verzosa, Rajo Laurel, kag Department of Trade and Industry Secretary Cristina Roque, kag madamo pa.
