Anne Curtis, wala mapunggan nga magsabat sa netizen nga nagtawag sa iya nga retokada kag nag-ulamid sa iya nga bata

Wala napunggan sang aktres nga si Anne Curtis kag ginsabat ang netizen nga nagtawag sa iya nga retokada.

Sa isa ka deleted tweet, ginpahayag sang isa ka X user nga nagpaidalom sa cosmetic surgery si Anne kag gin-cite pa ang iya anak nga si Dahlia Amelie.

Ginpanginwala ini sang host-actress kag ginpahayag nga matahom sila sang iya anak.

Dugang pa niya, indi niya batasan nga magsabat sa kaangay nga comment apang ginpahayag niya nga posible, kinahanglan sang amo nga netizen ang kindness sa kabuhi.

Naghatag man ini sang iya big virtual hug.

Nahibaluan nga ginkasal si Anne kay Erwan Heussaff kag gin-welcome nila ang ila anak sang 2020.