Nagapati ka bala sa doppelganger? Isa ka babayi ang madasig nga nagdalagan pabalik sa ila nga kwarto matapos nga marealisar nga imposible nga bana sini ang iya nakita nga nagbukas sang pwertahan sang ila nga kwarto bangud dapat yara pa ini sa trabaho sang amo nga tion.
Apang sin-o ayhan ang iya nakita? makita sa video footage nga kuha sa sulod sang kwarto mga alas 2:00 ang takna sang kaagahon nga gulpi lang nagbukas ang pwertahan sini bisan wala sang tawo.
Samtang nagahigda ini, nakita ni Aki sagwa sang kwarto ang iya nga partner nga dapat yara pa ini sa trabaho bangud alas 6:00 pa ang time out sini.
Nabatian pa sa video nga ginpamangkot pa ini ni Aki kun ngaa temprano pa ini nagpauli.
Apang wala ini nagsabat gani ginsundan niya ini sa ground floor sang ila nga balay.
Makita man sa video nga bisan nagpanaog na si Aki makita nga bisan wala sang tawo nagabukas-sira sagihapon ang pwertahan sa ila nga kwarto kun sa diin nagakatulog ang ila nga baby.
Sang wala makita sa idalom sang balay, didto na nagpalanindog ang balahibo sang babayi bangud imposible nga ang iya bana ang nagpauli bangud sadto nga tion nagatrabaho pa ini.
Bangud sini, nagkuyampad ini sa pagdalagan pabalik sa ila nga kwarto kag gintawgan ang iya nga bana agud nga hibaluon kun sa diin ini.
Didto sini nakumpirmar nga yara pa ini sa trabaho.
May nabatian man sa video nga daw kaangay sang nagahibilion.
Ginapatihan nga doppelganger sang bana sang babayi ang iya nakita.
Ang doppelganger ang mga pinasahi nga tinuga nga ginasunod ang itsura sang mga buhi nga tawo.
