Ginpakigbahin sang isa ka Psychologist ang peligro sang balatian nga Schizophrenia kag kun paano ini masolusyonan.
Suno kay Mark Ortibano, tuman ka severe kag long term ang nasambit nga balatian nga ginaclassify nga sakit sa utok.
Ginpakigbahin pa sini nga ang persona nga nagasuprer sang Schizophrenia ang nagabatyag sang distortion kag detatchment sa reyalidad.
Masami makita ang mga ini nga sala ang perception, kaangay nalang nga nagasinadya ang tanan apang ini ang nagahilibion, kasubong man nagakaapektuhan ang paghambal kag paghulag sini.
Kun kaisa malayo ukon tayog ang sabat sang mga ini sa pamangkot kag nagapaminsar sang mga butang nga indi matuod.
Masami man nga irritably ang mga may Schizophrenia.
Nagasuprer man sang hallucination kag delusion ang mga pasyente.
Ginpakigbahin man sang psychologist nga ang positive sypmtoms sini amo ang may nagakakita, nagakabatian ukon nagakabatyagan apang wala naman sa kamatuoran.
Kalakip diri ang mga nagakabati sang nagahutik nga magpatay ukon kalabanan auditory kasubong man may mga nagakapanimahuan.
Samtang ang negative symptoms naman amo ang wala ini sang makita, mabatian ukon mabatyagan apisar nga sa matuod may-ara kun sa diin masami indi ini magpati sa iban bangod para sa ila ginakontra lang sila ukon ang ginatawag nga Jealous Delusion.
Samtang mahemo man nga mangin sintomas ang hellistic delusion ukon nagapahayag sang matabo kaangay sang magunaw na sang kalibutan, may madagdag nga asteriod ukon may matabo nga major catasthrope nga yara lang sa ila pinsar.
Suno kay Ortibano ang Schizophrenia ang sarang nga hereditary ukon namana, sarang man ini nga matuga sang trauma, drug abuse ukon gintrigger sang ginabatyag nga balatian.
Ini ang masami nga makita sa mga early adult ukon sa mga yara sa 20s ang edad.
Ang kaso sini ang yara naman sa ratio nga isa sa kada 100 gani makabig ini nga rare ukon abnormal case.
Pahanumdom ni Ortibano nga kun may nahibaluan nga kaangay sini sang sitwasyon, indi na ini pagpabuyan-buyanan pa bangod ang balatian ang sarang paman nga mabulong.
Suno sa psychologist, ang mga may Schizophrenia ang may mataas nga chemical nga dopamine sa utok.
Bangod sini nagawild ang pasyente bangod sa ila makita, mabatyagan kag indi ensakto ang ila mga hulag.
Ginahatagan naman ang mga ini sang medication agud mapanubo ang dopamine sa utok ukon ginatawag psychotic medication.
Suno pa diri, ginamaintainance sa pasyente ang bulong agud nga maanad ang utok sa libel sang nagakaigo lang nga dopamine kag mabalik sa ensakto ang panghunahuna.
