Arestado ang anom ka tawo matapos nagluntad ang tensyon sa tunga sang mga nagapatigayon sang kilos protesta kag kapulisan sa ginapatigayon nga Milan–Cortina Winter Olympics sa Italy.
Linibo-libo ka mga tawo ang nagprotesta sa kalsada sang Sabado kag sa tunga sang protesta, may pila ka mga indibidwal ang nagpalupok sang fireworks kag naghaboy sang mga bato sa kapulisan, nga nagresulta sa pag-init sang sitwasyon.
Ginapahayag sang mga protestante ang ila pagkabalaka sa posible nga epekto sang Milan–Cortina Winter Olympics, sa kabukiran kag sa mga pumuluyo sa mga apektado nga lugar.
Suno kay Prime Minister Giorgia Meloni, ang mga nagaprotesta batok sa Olympics amo ang kaaway sang Italy, bangud linibo-libo man nga mga Italians ang nagatrabaho kag nagatinguha agud mapasiguro nga mangin madinalag-on ang amo nga international competition.
Padayon ang pagbantay sang mga otoridad sa kahimtangan samtang nagapadayon ang nasambit nga aktibidad.
