Ginpanaugan sang disqualification sang Commission on Elections (COMELEC) ang anom ka mga barangay officials sa banwa sang Calatrava, Negros Occidental bangud sa gin-alegar vote buying sadtong October 2023 Barangay and Sangguniang Kabataan elections.
Ang mga ginpanaugan sang disqualifiction sang COMELEC amo sanday Barangay Marcelo Punong Barangay Arnulfo Libodlibod kag mga barangay kagawad nga sanday Eddy Monterde, Joel Rosello, Prescila Patajo, Richard Diotay kag Elmor Marcelo.
Wala naman nagdaug sa eleksyon ang duha ka iban pa nga respondents nga sanday Jeremias Diotay kag Hernani Cabugwas.
Ang nagfile sang complaint amo si Maximo Rezaga Jr., ang wala nagdaog nga nagpadalagan bilang punong barangay.
Ang reklamo ang ginfile sini sa Comelec sa Manila sadtong September 27, 2023.
Nag-ugat ini sa mga kaso nga gin-file nakaligad nga eleksyon may angut sa baklanay sang boto sa Barangay Marcelo sa nasambit nga banwa.
Santo sa alegasyon, nagpanghatag sang 25 kilograms sang bugas kag P1,500 nga cash ang nasambit nga mga barangay officials sa 20 ka mga pamilya nga naapektuhan sang sunog sa Barangay Marcelo Public Market sadtong Septyembre 23, 2023.
Santo sa ruling sang Comelec, may nakita ang mga ini nga substantial evidence nga nagapakitanga naghimo sang vote buying ang nasambit nga mga opisyales sang barangay.
Ginhatagan sang lima ka adlaw ang mga respondets umpisa sa pagbaton sang desisyon agud nga mag-file sang motion for reconsideration sa COMELEC En Banc.
Suno kay provincial election supervisor Atty. Ian Lee Ananoria, indi pa ini nga makacomment sa nasambit nga reklamo kag may yara pa sang election violation bangud indi pa man final kag executory ang ginpagwa nga resolution.
Suno kay Ananoria ang mapatuman sang resolution ang nakadepende sa desisyon apang ginalantaw sini nga COMELEC.
Ang pagbutang sang mga magapungko bilang opisyales kun ipatuman ang disqualification sang mga nasambit opisyales sang barangay ang nakadepende sa Department of the Interior and Local Government.
