Nadugangan sang anom ang numero sang mga nagpositibo sa coronavirus disease 2019 sa Negros Oriental kun sa diin tatlo sa mga ini ang may yara sang travel history sa ciudad sang Bacolod.
Sa interview sang Bombo Radyo Bacolod kay Vice Mayor El Cid Familiaran, chairman sang inter-agency task force against coronavirus, ginpahayag sini nga ang duha sa tatlo nga nastranded sa Bacolod ang lunsay mga essential workers nga nagatrabaho sa quarry.
Nagapauli na karon ang mga ini sa ila mga banwa sa Mabinay kag Vallehermoso.
Samtang, overseas Filipino worker naman ang isa nga nagikan sa Manila kag nastranded sa Bacolod.
Yara naman ini karon sa iya Mabinay.
Suno kay Familiaran, mga asymptomatic ang mga ini.
Nahibaluan nga nagadangat na karon sa 17 ang COVID-19 cases sa Negros Oriental.
