Anum ka mga indibidwal ang magapapili sa patigayunon nga Convention sang Team Asenso sa ciudad sang Bacolod sa maabot nga Domingo, September 15, 2024.
Pila sa mga nagfile sang Certificate of Candidacy amo sanday former councilor Homer Bais, Brgy. 26 Punong Barangay Jhun Marby Orola, Rico Ferdinand Villafuerte, Brgy. 40 Punong Barangay Elmer Villanueva, Brgy. 34 Punong Barangay Teodoro Yulo kag Brgy. Vista Alegre Punong Barangay Jose Maria Leandro Norberto De Leon.
Suno kay Bacolod City Mayor Alfredo “Albee” Benitez, nga ang convention ang patigayon agud nga mahatagan man sang importansya ang mga lideres sang Asenso Bacolod.
Suno kay Benitez, ang mga leaders ang dapat mahatagan sang kahigayunan agud nga makapili sa luyag nila nga kampanyahan sa masunod nga election.
Ginalantaw nga ang pagpili sang masunod nga posible nga mangin kandidato sa masunod nga election ang magalawig sang apat tubtob lima lamang ka oras.
Kapin 30 mil man ka leaders ang magapili sa mga nagpabutyag nga magapapili sa maabot nga piniliay.
Ang barangay naman ang magatumod kun sa diin patigayunon ang pagpili sang mga magakandidato sa maabot nga piniliay.
Suno sa alkalde madamo ang nagpabutyag nga luyag magpadalagan sa konsehal apang duha lamang ka slot ang available.
Lunsay kilala man sang alkalde ang nagfile sang COC agud magpapili sa maabot nga convention.
