Anom ka mga boksingero nga magarepresentar sang Pilipinas sa 30th SEA Games ang halin sa Western Visayas.
Sa interview sang Bombo Radyo Bacolod kay Charly Suarez, isa sa boxers nga magarepresentar sang pungsod kag magahampang sa 60 kg division, ginpahayag sini nga sa 14 ka mga delegado sang Pilipinas sa boxing, anom ang halin sa Western Visayas.
Ini ang ginalakipan nanday Rogen Ladon sang Bago City, Negros Occidental sa flyweight division kag James Palicte sang Bago City, Negros Occidental sa light welterweight division.
Yara man si Irish Magno sang Iloilo sa flyweight division; Ian Clark Bautista sang Binalbagan, Negros Occidental sa bantamweight division; kag Charley Suarez sa lightweight division halin sa Kabankalan City, Negros Occidental.
Nagaisahanon naman nga babayi si Risa Pasuit sang Negros Occidental nga magasabak sa lightweight division.
Ginkompirmar man si Suarez nga sa 14 ka mga delegado, lima diri ang mga babaye kag siyam ang mga lalaki.
Ang boxing competition ang pagahiwaton sa Disyembre 4 tubtob Disyembre 9 sa Philippine International Convention Center (PICC).
