Pila ka pamilya nga nagaistar sa sulod sang Bacolod North Public Cemetery sa Dalan Burgos ang magaayo sa city government nga hatagan sila sang ligwa nga makapangita sang sayluhan antes sila magbiya sa ila balay sa sulod sang patyo.
Suno kay Tatay Cardeñas, maayo ang ila tulog sa sulod sang sementeryo gani diri sila nagaistar.
Bangud wala sila sang sayluhan, magapakitluoy ang mga ini sa city government bangud wala sila sang sayluhan kag wala man sila sang inugbayad sa arkila sa boarding house.
Suno diri, 52 na ka tuig ang iya nga pag-ubra sa sulod sang sementeryo kag sang tinalikdan nga tuig, nagdesisyon sila nga mag-asawa nga diri nalang maistar bangud wala na sila sang inugbayad sang renta sa balay.
Sa tion nga siya ang maka-income, gilayon ini nga nagabakal sang bugas agud nga sila ang may kaunon nga mag-asawa.
Suno diri, flashlight ukon kandila lang ang ila ginagamit kun gab-i bangud wala sang kuryente sa sulod sang sementeryo.
Suno sa iya, naghingyo ini sadto sa POSO guard nga nagabantay sa patyo nga diri lang sila maistar apang sa karon, gindemolish na ang ila puluy-an.
