Patay ang anum ka tuig nga bata nga babayi matapos aksidente nga matiruhan sang kaugalingon sini nga amay sa Hacienda Paul Chang, Estado, Brgy 10, Victorias City, Negros Occidental sang Agosto 30.
Ginkilala ang biktima kay Regine Montifalcon, samtang ang suspek amo si Randy Montifalcon, 32 anyos kag residente sang Brgy. San Isidro, Calatrava, Negros Occidental.
Sa interview sang Bombo Radyo Bacolod kay Police Lt Col. Terrence Paul Santa Ana, hepe sang Victorias City Police Station, nakabaton sila sang tawag nagikan sa Abelardo Benitez Hospital nga nagpahibalo nga may yara sang biktima sang shooting incident sa nasambit nga lugar.
Suno kay Sta. Ana, gilayon man nga nagresponde ang Alert Team kaupod ang imbestigador.
Santo sa imbestigasyon ang amay sang biktima ang nagainum-inum kaupod ang duha ka mga abyan sa temporaryo nila nga puluy-an sa Hacienda Paul Chang, Estado, Barangay 10 sa nasambit nga ciudad.
Samtang nagapadayon ang pag-inum inum aksidente nga natum-ukan sang amay ang gatilyo sang wala matumod nga armas luthang kun sa diin sa naigo ang bata sini.
Ginhingagaw dala sa ospital ang biktima apang gindeklarar nga dead on arrival.
Samtang wala naman sang intensyon ang iloy sang bata nga magpasaka pa sang kaso batok sa amay.
