Anum ka mga volcanic earthquake ang narekord sang Philippine Institute of Volcanology and Seismology sa bulkan Kanlaon sa sulod sang 24 ka oras subong nga weekend.
Sa interview sang Bombo Radyo Bacolod kay Daryl Aro, resident volcanologist sang Philippine Institute of Volcanology and Seismology (PHIVOLCS) sa ciudad sang La Carlota, may yara sang narecord nga 10.02 milliters nga pag-ulan sa probinsya sang Negros Occidental.
Suno kay Aro, may yara na sila sang nabaton nga reports nga nagluntad nga mud flows sa pila ka Local Government Units sa probinsya.
Suno diri, ang mud flow ang mas diutay sa karun kun ipaanggid sa tinalikdan nga eruption sini sadtong Hunyo.
Sa visual monitoring sang PHIVOLCS-La Carlota City, may yara sang “weak to moderate” nga smoke emission ang bulkan kun sa diin nagdangat ang kataason sini sa 50 metros samtang narekord man ang 3,620 ka tonelada sang Sulfur Dioxide Flux kada adlaw.
Sa karon, yara sa Alert Level 3 ang bulkan kag gin evacuate na ang mga residente nga nagapuyo sa sulod sang 6-kilometer radius permanent danger zone.
