Naghimo sang farewell message si Anthony Davis sa Los Angeles sa iya adopted city bangud sa wala ginlauman nga trade sa Dallas Mavericks.
Sa mensahe sini, iya ginpahayag nga ang wala ginalauman nga trade sa tunga sang Los Angels Lakers kag Dallas Mavericks ang isa ka “business”.
Ginkalipay naman ni Davis nga nakahatag siya sang NBA championship para sa Lakers sang 2020 season.
Nagpasalamat man ang superstar big man sa iya nga mga teammates samtang nagapabutyag sang kalangkag sa iya nga bag-o nga journey kaupod ang team.
Nagpost naman sang pagsuporta sa social media si LA Star Lebron James kay Davis.
Si Davis ang nag-abot sa lakers sadtong 2019, isa lamang ka tuig sang nag-abot man si James sa team.
Nagclick man gilayon ang duha.
Sa una nga season sang ila nga pag-updanay bilang teammates, ginpangunahan sang duha ang Lakers sa NBA championship.
Samtang, ginpasalamatan naman ni NBA superstar Luka Doncic ang iya nga mga fans nga ginbilin sa Dallas Mavericks.
Sa iya nga social media, ginpahayag sini nga indi makalimtan ang mainit nga pagbaton sang Dallas sa iya sang nagsulod ini sa team, pito na katuig ang nagligad.
Ginhimo sini ang tanan nga masarangan sa Dallas agud nga makuha ang kampeonato apang ini ang napaslawan.
Madumduman nga madamo ang nakibot sa pagsaylo ni Doncic sa Lakers kaupod sanday Maxi Kleber,Markieff Morris kabaylo nanday Antony Davis, Max Christie kag 2029 first-round draft pick sang Lakers.
