Wala na sang may nakita nga badjao ang Anti-Mendicancy Task Force sa syudad sang Bacolod umpisa sang Myerkules, Disyembre 4, 2024 matapos ang pila ka adlaw nga surveillance kag monitoring.
Suno kay Wendy Castro, social worker kag pinuno sang Anti-Mendicancy Task Force ginpahayag sini nga sa ila nga surveillance, 13 ka pamilya sang badjao ukon 29 ka mga indibidwal kag nagatinir sa bodega sa reclamation area.
Suno kay Castro, ila gintipon ang mga badjao kag ginpaathagan nga ginadumilian ang magpangayo sang limos, santo sa ordinansa sang Local Government Unit.
Suno kay Castro, nagbiya na sa Bacolod ang badjao apang wala man ginadula ang posibilidad nga nagpanago laman g ang mga ini.
Nagpasiguro si Castro nga padayon ang ila nga monitoring sa mga badjao sa ciudad.
Dugang pa sini nga indi dapat pagtolerahon ang mga nagapangayo kayo sa ciudad kag ang madakpan ang pagamultahan santo sa anti medicancy task force sang ciudad.
