Patay ang anum ka mga elepante matapos nabungguan sang isa ka passenger train malapit sa wildlife reserve sa central Sri Lanka samtang ang duha ang padayon nga ginabulong matapos hinali nga nagtabok sa riles samtang nagahinampot ang tren.
Ginkumpirmar naman ang pulis nga wala sang nasamaran sa pasahero sang tren apang nadiskarel ini kag ginrespondehan sang Railway Department officials.
Suno sa World Wildlife Fund (WWF), ang mga elepante sa Sri Lanka amo ang pinakadalagku kag pinaka-itom sa tanan nga Asian elephants.
Ginabanta nga 12-20 ka mga indibidwal ang nagabug-os sa kada herd kag ang pinakatigulang nga babaye nga elepante amo masami ang nagapamuno sa ila grupo.
Ang mga elepante ang popular tourist attraction sa nasambit nga pungsod nga ginakabig man nga may symbolic, cultural and economic importance sa mga tawo.
