Anum ka mga tawo ang napatay sa nagluntad nga sunog sa isa ka ginaubra nga hotel resort sa isa ka pantalan sa ciudad sang Busan, South Korea suno sa fire agency.
Narescue naman sang helicopter ang katorse ka mga tawo matapos nagsaka sa bubong.
Gin-evacuate naman ang 100 ka mga tawo gikan sa construction site kun sa diin nagapadayon ang pag-ubra sa tatlo ka buildings nga nagataas sang 12 ka panalgan.// Ini ang santo sa report sang Busan Fire & Disaster Headquarters.
Suno sa Busan fire agency official nga kapin 25 ang nasamaran kalakip na ang pila ka mga indibidwal nga nakahaklo sang aso.
Suno sa fire agency ginalantaw nga ang kalayo ang naghalin sa mga ginakarga nga insulation materials malapit sa indoor swimming pool area sa first floor sang isa sa mga buildings.
Ginmando naman ni Acting President Choi Sang-mok sang South Korea nga gamiton ang tanan nga available nga resources agud nga mapalong ang kalayo.
