Apat ka mga American troops ang nadulaan sang kabuhi matapos maghugpaas ang ginasakyan nga US Military Plane samtang ang mga ini ang nagapakigbahin sa North Altlantic Treaty Organization (NATO) exercises sa Norway.
Nahibaluan nga ang apat ang kabahin sa Cold Response Military exercises nga ginabug-usan sang 30,000 ka mga tropa gikan sa NATO kag pila ka allied countries.
Kapin 200 ka mga eroplano kag 50 ka mga barko ang kabahin sa exercies nga magapadayun tubtob sa Abril 1.
Ang V-22B Osprey aircraft nga ginapanag-iyahan sang US Marine Corps, ang nareport nga nadula sang Biyernes kahapon sang aga sa nabagatnan nga bahin sa banwa sang Bodo sa northern Norway.
Ginkumpirmar sang Norwegian defense ministry nga ang apat ka mga napatay ang mga Americal citizens.
Una na nga ginkumpirmar sang US Marine Corps nga may nagluntad nga problema sa MV-22B Osprey sa pagpatigayon sang exercises kag ang Norwegian civil authorities ang nagapanguna sa search and rescue efforts.
Suno kay Norwegian Prime Minister Jonas Gahr Store, ginakasubo sini ang nabatun nga balita nga may apat ka mga American soldiers ang napatay sa plane crash.
Nahibaluan nga ang Cold Response 2022 ang may tinutuyo nga matest kun paano mamanage sang Norway ang allied reinforcement sa ila nga luyo sa tion nga matrigger ang mutual defense claus sa NATO.
Nahibaluan nga padayun pa ang paglala sa tensyon sa tunga sang Russia kag NATO kasunod sang invasion sang Moscow sa Ukraine, apang ang exercises ang madugay na nga naplano antes pamna ang opensiba nga nagsugod sang Pebrero 24.
