Nakarecord sang apat ka beses nga ash emmissions sa Bulkan Kanlaon kahapon sang Sabado, santo sa pinakabag-o nga obserbasyon sang Philippine Institute of Volcanology and Seismology (PHIVOLCS).
Sa interview sang Bombo Radyo kay Perly Sianson, Science Research Specialist sang La Carlota Kanlaon Observatory, ginpahayag niya nga may pila ka ash emission nga naobserbahan sa sulod sang 24 oras.
Una nga narekord ang ash emission alas-6:47 sang aga tubtob alas-7:17 sang aga, nga nagpagwa sang gray plume nga may kataason nga 300 meters.
Sang alas-11:23 sang aga, nagpagwa man sang abo ang bulkan nga may kataason nga 150 meters padulong sa southeast nga direksyon.
Ginsundan alas-3:11 sang hapon nga may kaatason man nga 150-meters gikan sa baba sang bulkan.
Suno diri, nakarecord man sang tatlo ka volcanic earthquakes apang ini ang mahinay lang.
Nagapabilin naman sa Alert Level 2 ang nasambit nga bulkan.
Pahayag sini nga wala sang naobserbahan nga crater glow, samtang ang mga ash emission sang Bulkan ang padayon nga ginamonitor.
