Ginkalipay sang mga Israelis ang pagkahilway sang apat ka mga hostages nagikan sa Gaza samtang ginpahayag sang mga opisyales sang Hamas nga 274 ka mga persona ang nagkalamatay kag ginatos ang pilason matapos ang ginpatigayon nga raid.
Ang special forces ang nakigbato batok sa mga Palestinian militants sang Sabado sa Nuseirat refugee camp area sa central Gaza sa tinutuyo nga mahilway ang mga hostages nagikan sa duha ka mga buildings kag ginsalbar ang mga ini gamit ang mga helicopters.
Suno sa Israeli military, ang extraction team kag ang mga hostages ang nakagwa sa tunga sang mga pagpangluthang kag pagpanghaboy sang granada nga nagpatay sang isa ka police officer.
Suno naman sa health ministry sang Gaza, 274 ka mga persona ang nagkalamatay sa ila ginlaragway nga “Nuseirat massacre” nga ginalakipans ang madamo nga mga kabataan kag kababainhan.
Samtang, ginpahayag naman sang health ministry nga 698 ka mga persona ang napilasan.
