Apat na ka mga local government units (LGUs) sa Negros Occidental ang natagtagan sang financial assistance gikan sa National Housing Authority (NHA).
Nahibaluan nga balor P91 million ang gin-alukar sang NHA para sa mga nahalitan sang Bagyo Odette sang Desyembre diri sa Probinsya.
Ang pagpanagtag sang financial subsidy sa madumduman ang naatrasar bangod sa pagkadelay sang mga dokumento kag naabtan sang election banning.
Ang pagpanagtag ang nagresume sang Lunes kun sa diin una nga nakabaton ang 2,700 beneficiaries gikan sa syudad sang Kabankalan.
Ang napanagtag sa syudad ang nagdangat sa balor P36 million kun sa diin ang tagsa ka beneficiary ang nakabaton sang tag-P5,000 cash.
Kahapon, ang Negros Occidental Provincial Government sa pagpanguna ni Governor Eugenio Jose “Bong” Lacson ang nagpanagtag naman sa syudad sang Cadiz kag Victorias, kasubong man sa banwa sang Pontevedra.
Sa norte nga bahin kun sa diin gamay lang ang nangin kahalitan sang bagyo, yara lang sa 66 ang beneficiaries sa Cadiz City ukon nagadangat sa balor P380,000 samtang 215 beneficiaries naman ang nakabaton sa syudad sang Victorias ukon balor P1,075,000.
Ulihi nga ginhatagan sang financial assistance kahapon sang hapon sa Sur nga bahin sang Probinsya ang banwa sang Pontevedra.
Kun sa diin 669 ang mga beneficiaries kag nagdangat sa balor nga P3,345,000.
Ang masunod nga schedule sang distribution sang cash assistance ang natalana sa Hunyo 3, Biyernes sa banwa sang Ilog.
