Nagapaayo na ang apat nga napilasan matapos nga aksidente nga nabungguan sang pick-up ang isolation facility sang Queen of Mercy Hospital kahapon.
Sa interview sang Bombo Radyo Bacolod kay Police Major Armilyn Vargas, station commander sang Bacolod Police Station 3, nagparking na ang driver sang pick-up sa atubang sang nasambit nga ospital apang hinali lamang nga naglain ang pamatyag sang driver kag hinali nga nalapakan ang accelerator kun sa diin nag-abante ang pick-up kag nabungguan ang isolation area.
Bangud sini napilasan ang duha mga pasyente kasubong man ang duha ka mga hospital staff.
Suno kay Vargas, ang driver sang pick-up ang isa ka dialysis patient nga nagpadulong sa ospital agud nga magpadialysis.
Ginalantaw nga magaestoryahanay nalang ang magtimbang nga bahin bangud wala man ginhungod ang natabo.
Ginpahayag man sang station commander nga gin-abisuhan ang mga nabungguan kag ang driver sang pick-up nga kun magmatapos na ang pagpabulong sang mga ini, magpadulong lamang sa Police Station agud nga maestoryahan kun ano man ang ila nga mga plano matapos ang aksidente.
Nagpanugyan man si Vargas sa mga pumuluyo ang
