Apat ka mga persona nagikan sa Cebu kag nagtabok sa Calatrava, naintercept

Apat ka mga persona nagikan sa Balamban, Cebu ang na-intercept sang mga katapo sang Philippine Coast Guard sakay sa homemade motorbanca sa baybayon sang Toledo.

Sa interview sang Bombo Radyo kay Commander Jansen Benjamin, commander sang Coast Guard Station Negros Occidental, ginpahayag sini nga mga residente sang Brgy. Isidro, banwa sang Calatrava ang apat ka mga pasahero.

Suno kay Benjamin, magparientehanay ang mga ini kag mga locally stranded individuals sa Cebu.

Nahibaluan nga ginsugo sila sang ila nga tiyo nga magbalik sa Calatrava.

Pag-abot sa banwa, ginturn over ang mga ini sa Municipal Health Office.

Sa karun, yara ang apat sa Calatrava Evacuation Center kag nagapaidalum sa quarantine.