Apat ang patay samtang duha ang pilason matapos gin-arado sang tanker nga may karga nga mantika ang apat ka motorsiklo, isa ka pedicab kag isa ka balay sa North Poblacion, Bacong, Negros Oriental kaina sang aga.
Sa interview sang Bombo Radyo Bacolod kay Police Senior Master Sergeant Junrey Caro Quinikes, Assistant Investigator sang Bacong Municipal Police Station, sa inisyal nga imbestigasyon, ang tanker ang naga-usoy sang North to South nga direksyon sang naglupok ang nawala nga goma sang ginamaneho sang tanker kag gin-arado ang apat ka mga motorsiklo kag isa ka pedicab nga naga-usoy sang South to North nga direksyon.
Suno kay Quinikes, ang duha sa mga biktima ang gindeklarar nga dead on arrival sa ospital samtang ang duha ang ginkuha na sang punerarya samtang isa ang ginatinguhaan pa nga kuhaon sa idalom sang tanker.
Isa man ka balay ang nadalahig sa pag-arado sang tanker.
Wala pa sa karun sang identity ang mga biktima samtang ang suspek ang nagsungka man sa Bacong Municipal Police Station kag ginkilala kay Albert D. Baguio.
Yara na karun si Baguio sa paghinakop sang mga kapulisan sang Bacong, Negros Oriental.
Nagapadayon man ang imbestigasyon sang mga kapulisan agud mahibaluan kun may yara pa sang iban nga biktima sa insidente.
