Apat ka mga police personnel sa Bacolod City kag Negros Occidental ang nakabaton sang PNP Heroism Medal nagikan sa Police Regional Office 6 bangud sa ila mga accomplishments kag performance sa mga anti-drug operations.
Sa interview sang Bombo Radyo kay Police Lt. Col. Arnel Solis, kadungan sang flag ceremony nga ginpatigayon sang Lunes sa PRO-6 Grandstand, Camp Gen Martin Teofilo B Delgado, Iloilo City, nakabaton sang pasidungog sanday Police Lt. Andy Ofalia kag Police Master Sergeant Wilfredo Cometa sang Bacolod City Police Office kasubong man sanday Police Lt. Dennis Melgarejo kag Police Corporal Mark Jayson Galoso sang Kabankalan Component City Police Station.
Suno kay Solis, nakabaton ang mga ini sang medalya bangud sa ila mga accomplishments sa pagpakigbato sa illegal nga druga.
Suno diri, ginpasalamatan ang mga ini ni PRO6 Director Police Brigadier General Leo M Francisco bangud sa pagpakita sang maayo nga binuhatan bilang mga miyembro sang kapulisan.
