Ginlubong na ang apat ka miyembro sang New People’s Army nga napatay sa nagluntad nga series of encounters sa tunga sang New People’s Army kag tropa sang gobyerno sa Barangay Carabalan, syudad sang Himamaylan, Negros Occidental, sang Mraso 1.
Suno kay Captain Ed Rarugal, Civil-military operations (CMO) officer sang 94th Infantry Battalion, ginpalubong na lamang ang apat ka mga rebelde sang Marso 4 bangud wala sang pamilya nga nagclaim sa ila.
Suno kay Rarugal, kun indi makuha ang bangkay, ang morgue ang nagarekomend kun ipalubong na depende sa kadasigon sang decomposition sang bangkay.
Suno diri, gin-initiate sang Himamaylan City Social Welfare and Development Office (CSWDO), Philippine National Police kag 94th IB ang paghatag sang nagakaigo nga paglubong sa mga rebelde.
May yara naman sila sang may ginbilin nga pictures sang mga rebelde agud nga kun may magpalapit nga pamilya, ila matumod ang mga ini.
Ginbutangan man nila sang markings ang ginlubngan agud matultulan ini sang pamilya.// Sa karun, alyas pa lamang ang ila nahibaluan nga identity sang mga ini.
