Nakit-an na ang apat ka mga nabilin nga foreign nationals nga namissing sa Negros Oriental.
Nahibaluan nga anom tanan ka foreign nationals ang namissing matapos maghiking sa Mount Talinis sa banwa sang Valencia, Negros Oriental.
Una nga nakit-an ang duha kahapon, nga sanday Alexander Radvanyi kag Torsten Martin Groschupp sa nasambitan nga banwa, kag ang pagpangita sang apat ang ginpadayun subong nga adlaw.
Pahayag sang duha nga sila ang nagseparar sang banas sang ila mga kaupod.
Ang nabilin nga apat nga sanday Wolfgang, 67 anyos kag Aldwin Fink, 60 anyos lunsay mga German nationals; subong man sanday Anton Chernov, 38 anyos, Russian; kag Terry, 50 anyos, Canadian, ang nakit-an alas-9:44 kaina sang aga sa vicinity sang Hydropower Plant sa Barangay Silab sa banwa sang Amlan, Negros Occidental.
Sila ang nakita sang personnel sang Philippine Army kag volunteers gikan sa ONE-MC Rescue team kag personnel sang Valencia Municipal Police Station.
