Apat na ka pamilya na ang nagpadulong sa Silay City Police Station agud tsekyaron kun ang nadula nila nga himata sang nasapwan nga nagakaagnas nga bangkay sa idalum sang Oyut Bridge, Sitio Lantawan, Barangay Guimbala-on, Silay City sang Disyembre 31 sang aga apang napaslawan ang mga ini bangud wala sang palatandaan nga makilal-an ang bangkay kasubong man ang kalansay.
Sa interview sang Bombo Radyo Bacolod kay Police Lt. Judesses Catalogo, spokesperson sang Negros Occidental Police Provincial Office (NOCPPO), wala pa makagwa ang resulta sang postmortem examination bangud may kabudlayan sa medico legal ang pagproseso sang bangkay.
Ginpahayag man sang mga kapulisan sa syudad sang Silay nga dako ang posibilidad nga sa iban nga lugar ginpatay ang mga biktima kag ginwigit lang ini sa dalum sang yut Bridge, Sitio Lantawan, Barangay Guimbala-on sa nasambit nga syudad.
Nagapadayon sa karun nga ginatinguhaan sang mga kapulisan nga matumod ang identity sang nagakaagnas nga bangkay kag sang duha ka mga kalansay nga nasapwan sa idalom sang nasambit nga taytay nga nasulod sa magkatuhay nga sako.
