Apat ka personnel sa Disaster Risk Reduction and Management Office sang Silay City, nagpositibo sa Surprise Mandatory Drug Test

Nagpositibo ang apat ka personnel sang Disaster Risk Reduction and Management Office sang ciudad sang Silay sa Surprise Mandatory Drug Test.

Ginpatigayon sang Hulyo 14, 2023, alas 9:00 sang aga ang Surprise Mandatory Drug Test sa pagpaguna ni Siilay City Mayor Joedith Gallego sa koordinasyon sang Silay PNP kag Philippine Drug Enforcement Agency- Region 6.

Sa 126 ka mga personnel sang CDRRMO, apat ang nagpostibo.

Madumdman nga pito ka mga traffic enforcers sang Silay City ang nagpositibo sa illegal drug use sa surprise drug test nga ginpatigayon kag naaresto naman ang duha ka job order nga nagatrabaho bilang watchman sa isa ka buluthuan sa Silay City matapos makuhaan sang kapin P88,400 nga balor sang illegal nga druga.