Ginpasalig sang Negros Occidental Police Provincial Office nga pagatsekyaron kag hatagan sang husto nga proseso ang pagkumpirmar sa identity sang apat ka security guard nga tumandok sang Negros Occidental nga nalakip sa ginpagwa nga wanted poster sang Philippine National Police nga may kaangtanan sa pagkadula sang mga sabongeros.
Anom ka mga security guards ang ginpatongan sang P1 million nga reward sa kada indibiwal ukon P6 million para sa grupo.
Ginkilala ang mga suspetsado nga sanday Mark Carlo Zabala, 29 anyos tumandok sa banwa sang Hinigaran; Roberto G. Matillano Jr., 54 anyos, tumandok sang Talisay City; kag duha ka tumandok sang Kabankalan City nga sanday Virgilio P. Bayog, 44 anyos kag Johnry R. Consolacion, 33 anyos, kag sanday Julie A. Patidongon alias “Dondon,” 45 anyos; kag Gleer Codilla alias Gler Cudilla.
Sa interview sang Bombo Radyo kay Police Captain Judesses Catalogo, spokesperson sang Negros Occidental Police Provincial Office, maga-coordinate ang NOCPPO sa Criminal Investigation and Detection Group (CIDG) sa pagtrabaho nga ma-aresto ang mga suspetsado nga tumandok sang Negros Occidental.
Suno diri, igatrabaho kun kumpirmado nga tumandok sang Negros Occidental ang apat ka persona.
Ila pagatsekyaron kun insakto ang pangalan kag address sang mga ini.
