Nagpatigayon sang verification ang Negros Occidental Police Provincial Office (NOCPPO) tuhoy sa apat ka mga persona nga may yara sang address sa Negros Occidental kag nalakip sa anom ka ginakabig nga wanted angot sa natabo nga pagka-missing sang mga bulangero sa bahin sang Manila.
Anom ka mga security guards ang ginpatongan sang P1 million nga reward sa kada indibiwal ukon P6 million para sa grupo.
Ginkilala ang mga suspetsado nga sanday Mark Carlo Zabala, 29 anyos tumandok sa banwa sang Hinigaran; Roberto G. Matillano Jr., 54 anyos, tumandok sang Talisay City; kag duha ka tumandok sang Kabankalan City nga sanday Virgilio P. Bayog, 44 anyos kag Johnry R. Consolacion, 33 anyos, kag sanday Julie A. Patidongon alias “Dondon,” 45 anyos; kag Gleer Codilla alias Gler Cudilla.
Sa interview sang Bombo Radyo kay Police Captain Judesses Catalogo, tagpamaba sang NOCPPO, sa ila monitoring, wala sang recorded nga kaso ang apat ka mga security guards.
Wala man sang rekord kun nagpauli ang mga wanted person sa probinsya kag indi pa ini makahambal nga negative ang ila presensya sa Negros.
Suno sa iya, si Matillano ang ginbun-ag sa sa Talisay City apang madugay na nga wala nagapuyo diri kag ila naman gintsekyar ang balay sini sa Punta Taytay apang duha ka tuig na ini nga wala sa area.
Suno kay Catalogo, ila na gincentralize ang data tuhoy sa wanted persons kag napost na ini kaupod ang reward money.
