Ginpahayag sang militar sang Israel nga apat ka mga suldado ang napatay sa isa ka drone attack nga ginpatigayon sang Hezbollah sa norte nga bahin sang base sang Israel sang Domingo.
Ang pagpang-atake sa isa ka military training camp sa Binyamina, malapit sa Haifa, ang pinakamamatay nga pangpang-atake sa isa ka Israeli base humalin Setyembre 23 sang ginpasanyog pa sang Israel ang pagpang-atake sini sa Hezbollah sa Lebanon.
Sa report sang emergency services, masobra 60 ang napilasan.
Samtang, ginpahayag naman sang mga otoridad sa Gaza nga ang death toll nagikan sa isa ka Israeli strike sang Domingo sa isa ka buluthuan nga ginagamit bilang shelter para sa displaced nga mga pumuluyo ang nagdangat na sa 15, lakip na ang bilog nga pamilya samtang isa ka separado nga overnight strike sa isa ka ospital ang gintunaan naman sang kamatayon sang apat ka mga persona.
