Lantawon pa sang Department of Social Services and Development kun matuod nga himata ang luyag nga magkuha sa apat ka tuig nga bata nga babayi nga nakaluwas sa shooting incident nga nagluntad sa Purok Lampirong, Barangay 2, Bacolod City kagab-i, kun sa diin napatay ang amay sini kag isa pa gid ka lalaki.
Sa interview sang Bombo Radyo Bacolod kay Bacolod City DSSD Head Pacita Tero, nagapabilin sa Balay Pasilungan ang bata bangud ginpanugyanan ang nagpakilala nga himata nga magpresentar sang birth certificate sang bata.
Lantawon man ang kapasidad sini sa pagtatap sa bata.
Suno kay Tero, lantawon pa nila ang kapasidad sang nagpahayag nga lola kun masarangan pa sini ang responsibilidad sa pagtatap sa bata, kag kun makita sa assessment nga masarangan sini, igahatag man sang mga ini ang bata.
Ipaidalom naman ang bata sa psychiatric evaluation bangud sa traumatic experience tuga sang natabo, kag irefer man nila ini sa psychological assessment bangud nakita sini ang pagpangluthang.
