Nagatalangison ang isa ka iloy matapos nga wala sagihapon makita ang iya nga apat tuig nga bata nga lalaki nga nahulog sa suba matapos makadanlog sa pika pika sa bahin sang Purok Pag-asa, Barangay Alijis, Bacolod City.
Padayon pa nga ginapangita sang rescue units kag mga otoridad sa ciudad sang Bacolod ang nalunod nga bata.
Sa interview sang Bombo Radyo Bacolod kay Michelle Aligato, iloy sang bata, alas 4:00 ang takna kaina sang hapon, nagpauli sila halin sa iya ginaubrahan apang sang naglabay sila sa pika-pika, nakadalin-as sila kag nahulog sa suba.
Nakasalbar siya kag ang duha niya ka mga kabataan apang ang lima ka tuig niya nga bata ang gin-anod sang tubig-baha.
Suno kay Michell, naghingagaw pa ini saka hagdan matapos nga mahulog sa pika pika agud magpangayo sang tabang bangud wala sang nakabati sa iya.
Nakasalbar ang pito ka tuig kag Grade 5 sini nga bata apang ang apat katuig nga bata ang gin-anod sang mabaskog nga daludo sang tubig.
Nagalaom si Michelle nga makita ang iya bata.
